KALIOPI OTKAZALA KONCERT Pjevačica odlučila da ne pjeva nakon što je žena preminula pred njen nastup

Večeras je u MTS dvorani organizovan koncert Kaliopi, a pred sam početak koncerta ženi iz publike je pozlilo i nažalost je preminula, a pjevačica je kako se saznaje odlučila da otkaže koncert.

Gospođa, koja je pristigla na koncert sa prijateljicama i kćerkom, iznenada je izgubila svijest i srušila se, zbog čega je odmah pozvana Hitna pomoć.

Nesrećnoj ženi, koja ima oko 70 godina, rađena je reanimacija na licu mjesta, ali bez uspjeha.

Kaliopi je očajna i u suzama, jer ženu navodno poznaje, a sala je potpuno evakuisana, saznaje Blic.

Žena je, inače, došla iz Sjeverne Makedonije sa grupom fanova pjevačice.