Sobarica Marinela ukrala nakit od 400.000 eura, navodno pobjegla na Balkan
Policija traga za Marinelom Manolesu (28) nakon što je kofer sa nakitom ukraden iz hotela u kojem je radila, a ona navodno pobjegla na Balakan.
Kako navodi Dejli mejl sobarica se sumnjiči da je ukrala nakit vrijedan 400.000 eura iz hotela u Londonu.
Skotland Jard je obavijestio vlasti u Rumuniji jer se vjeruje da je Marinela tamo pobjegla avionom par dana nakon krađe koja se dogodila prošlog mjeseca.
Svi koji imaju bilo kakve informacije o njoj pozivaju se da ih dostave policiji.
“Službenici traže pomoć javnosti u pronalaženju žene, nakon što je nakit ukraden iz hotela, u centralnom Londonu. Marinela Manolesu se traži nakon što je kofer sa nakitom vrijednim oko 400.000 evra ukraden u nedjelju, 8. Oktobra”, saopštila je policija Skotland Jarda.
Dodaje se da je Marinela radila kao sobarica u hotelu, i vjeruje se da je u nedjelju, 15. oktobra pobjegla iz Britanije u Rumuniju.
“Kontaktirali smo vlasti u toj zemlji”, dodaju iz policije.
